Ministan sadarwa Dr. Isa Ali Pantami, ya rabawa shugabannin hukumomin da ke karkashin ma’aikatar sa aikin da zasu yi.

Ministan sadarwa Dr. Isa Ali Pantami, ya rabawa shugabannin hukumomin da ke karkashin ma’aikatar sa aikin da zasu yi.

Daga Abdulhadi Isah Ibrahim

image

Wannan ya shafi har da manyan daraktocin ma’aikatar sa.
Sheikh Isa Ali Ibrahim Pantami ya bayyana wannan ne a Hedikwatar sa a birnin tarayya Abuja inda yi kira ga CEO da Darektocin su tashi tsaye.
Dama can Ministan ya bayyana cewa za a sanyawa kowace ma’aikata aikin da ake so ta yi zuwa wani lokaci, inda za a rika bibiyan kokarin da kowane shugaba ya ke yi domin sauke nauyin dake kan sa.
.
1. Kamfanin Galaxy Backbone
Daga cikin aikin da aka ba wannan kamfani shi ne su gyara karfin layinsu da sauran ayyukan da su ke yi wa jama’a.
2. Hukumar NCC
Ma’aikatar sadarwa ta ba NCC lokaci ta kawo karshen matsalar rashin yi wa layukan waya cikakken rajista wanda hakan zai inganta matsalar rashin tsaro. An kuma nemi NCC ta duba yadda ake zaftarewa jama’a kundin hawa yanar gizo tare da rage farashin na data da kuma waya.
.
3. Hukumar NIGCOMSAT
Hukumar NIGCOMSAT mai kula da faifen satalait na Najeriya na da aikin gyara karfin na’urarta domin hasko fadin kasar da kyau kamar yadda sabon Ministan kasar ya gindaya mata a jiya.
4. Hukumar NITDA Sheikh Isa Pantami ya nemi magajin sa a NITDA ya dage wajen ganin an samu karuwar masu amfani da na’urorin fasaha da manhajojin gida a ma’aikatu. Ana kuma so ma’aikatu su rika amfani da na’urorin zamani wajen aikinsu.
.
5. Hukumar NIPOST
Sabon Ministan sadarwa ya nemi NIPOST ta kara kokari wajen aika sakonni da wasiku a fadin kasar. Isa Ali Pantami ya kuma bada umarni ga hukumar ta kara yawon wuraren da ta ke shiga.
6. Hukumar USPF
A karshe mai girma Ministan sadarwa, Dr. Isa Ali Pantami bai bar ma’aikatar USPF da ke karkashinsa a baya ba, inda ya nemi ta rage tazarar da ake samu wajen aiki tsakanin Birane da karkara..

Advertisements

Hotuna: Ziyarar girmamawa da Vise Chensalor na Islamic University of Uganda Dr. Ahmad Kawesa sengendo ya kawo ofishin shugaban JIBWIS na kasa,

Hotuna: Ziyarar girmamawa da Vise Chensalor na Islamic University of Uganda Dr. Ahmad Kawesa sengendo ya kawo ofishin shugaban JIBWIS na kasa, Sheikh Dr. Abdullahi Bala Lau a sakateriyar kungiyar take birnin Tarayya Abuja.

image

image

image

image

image

JIBWIS ta kammala wa’azin bana a Makkah

JIBWIS ta kammala wa’azin bana a Makkah

image

Kungiyar wa’azin Musulunci ta JIBWIS yau asabar ta kammala wa’azin da take gabatarwa na wannan Shekara 1440/2019 a Unguwanin Hausawa dake Birnin Makkah ta kasar Saudiyya.

Shugaban Kwamitin Ayyuka na JIBWIS Nigeria Shekh Abubakar Giro Argungu shine Wanda ya jagoranci rufe Wa’azi a Masallacin Hara Gobirawa dake Birnin Makkah, Bayan takaitaccen wa,azin da ya gabatar tare da Alaramma Mustapha Bindawi Daga kasar Nijar.

Sheikh Giro ya gabatar da wa’azin ne akan Muhimmancin yin Nasiha ko wa’azi a tsakanin Al’umma da gaskiya da rikon Amana, Sannan da illar yin shirla, Daga Bisani ya yabawa shugaban Kungiyar JIBWIS Shekh Dr. Abdullahi Bala Lau akan kyakkyawan jagoranci ga Kungiyar, da kuma rungumar wannan aiki na wa’azi a birnin makkah shekara da shekaru.

Shima kakakin kungiyar a mumbarin wa’azi na JIBWIS Nigeria Shekh Abdulbasir Isa Unguwar Maikawo, yace an gudanar da wa’azozi har sau 10 Daga lokacin da aka fara wa’azin a Bana har zuwa yau DA aka kammala. Ya rufe da addu’ar Allah ya saka ladan wannan aiki a mizani.

((MAN KUNTU MAULAAHU FA ALIYYUN MALAAHU)) ((من كنت مولاه فعلي مولاه))

((MAN KUNTU MAULAAHU FA ALIYYUN MALAAHU))
((من كنت مولاه فعلي مولاه))

image

::SHEIKH DR IBRAHIM JALO JALINGO HAFIZAHULLAH::

Wani dan’uwa ya aiko da tambaya ya ce: Tambaya nake a kan hadsin nan da Rafidah suke yawan fadin shi wanda ke cewa “Man kuntu maulahu fa Aliyyun maulahu” shin mene ne asalinsa?

AMSA:
Shi wannan Hadithin hadithi ne sahihi, ya zo cikin Tirmizii Hadithi na 3713, Nasaa’ii Hadithi na 8089, Ibnu Majah Hadithi na 121, Ahmad a wurare da dama daga cikinsu Hadithi na 18,502, Al-Bazzar Hadithi na 4298, Abu Ya’ala Hadithi na 567, Al-Haakim Hadithi na 4577, At-Tabraanii Hadithi na 2977, Ibnu Abii Shaibah Hadithi na 23,737. Albaanii ya inganta shi cikin Al-Jaami’us Sagiru Wa Ziyaadaatuh: 11,469.

Ga Hadithin cikin haruffan Larabci:
((من كنت مولاه فعلي مولاه)).
Ma’ana: ((Wanda na kasance maulansa Aliyyu ma maulansa ne)).

Ma’anar “Maulaa” a nan shi ne “Waliyyi” watau masoyi.
Ma’anar hadithin shi ne: ((Wanda duk na kasance masoyinsa ne to Aliyyu ma masoyinsa ne)).
******************************
Ma’anar da wannan Hadithi ke dauke da ita ta soyayyar da lafazin “Maula” ke dauke da ita tana daidai da ma’anar soyayyar da lafuzan “Maula” da “Waliy” ke dauke da ita cikin wadannan ayoyi da za mu ambata:-
1. Ayah ta 4 cikin Suratut Tahrim inda Allah Ya ce:-
{وان تظاهرا عليه فان الله هو مولاه وجبريل وصالح المؤمنين}.
Ma’ana: ((In kuka nemi taimakon juna domin kuntata masa, hakika Allah Shi maulansa (watau masoyinsa) da kuma Jibirilu, da saalihin Muminai)).
A nan ba ka cewa Mala’ikah Jibrilu da kuma saalihin Muminai su shugabannin Annabi mai tsira da amincin Allah ba ne, a’a sai dai ka ce: su masoyansa ne.
2. Ayah ta 40 cikin suratul Anfal inda Allah Ya ce:-
{وان تولوا فاعلموا ان الله مولاكم فنعم المولى ونعم النصير}.
Ma’ana: ((Idan suka juya baya, to ku sani lalle Allah ne masoyinku, kuma madallan Masoyin, kuma madallan Mataimakin)).
3. Ayah ta 78 cikin suratul Hajj inda Allah Ya ce:-
{واعتصموا بالله هو مولاكم فنعم المولى ونعم النصير}.
Ma’ana: ((Ku yi riko da Allah Shi ne masoyinku, kuma madallan Masoyin, kuma madallan Mataimakin)).
4. Ayah ta 11 cikin suratu Muhammad inda Allah Ya ce:-
{ذلك بان الله مولى الذين آمنوا وان الكافرين لا مولى لهم}.
Ma’ana: ((Saboda hakika Allah Shi ne Masoyin wadannan da suka yi Imani, hakika Kafurai ba masoyi gare su)).
5. Ayah ta 13 cikin suratul Hajj inda Allah Ya ce:-
{يدعو لمن ضره اقرب من نفعه لبءس المولى ولبءس العشير}.
Ma’ana: ((Yana kiran wanda cutawarsa ta fi zama kusa a kan anfanawarsa, tir din wannan Masoyin, tir din wannan Abokin)).
6. Ayah ta 157 cikin suratul Baqrah inda Allah Ya ce:-
{الله ولي الذين آمنوا يخرجهم من الظلمات الى النور}.
Ma’ana: ((Allah masoyin wadannan da suka yi Imani ne yana fitar da su daga duffai zuwa ga haske)).
7. Ayah ta 55 cikin suratul Maa’idah inda Allah Ya ce:-
{إنما وليكم الله ورسوله والذين آمنوا الذين يقيمون الصلاة ويؤتون الزكاة وهم راكعون}.
Ma’ana: ((Abin sani dai shi ne: Allah da manzonSa da wadanda suka yi Imani watau wadannan da suke tsaida Salla kuma suke ba da Zakka suna masu rukuu’i su ne masoyanku)).
8. Ayah ta 62 cikin suratu Yunus inda Allah Ya ce:-
{الا ان أولياء الله لا خوف عليهم ولا هم يحزنون}.
Ma’ana: ((Ku saurara lalle masu son Allah babu wani tsoro a kan su kuma ba sa yin bakin ciki)).
9. Ayah ta 34 cikin suratul Anfal inda Allah Ya ce:-
{ان أولياؤه الا المتقون}.
Ma’ana: ((Babu masoya gare Shi sai masu taqawa)).
10. Ayah ta 71 cikin Suratut Taubah inda Allah Ya ce:-
{والمؤمنون والمؤمنات بعضهم أولياء بعض}.
Ma’ana: ((Muminai maza da Muminai mata sashinsu masoya ne ga sashi)).

11. Ayah ta 73 cikin suratul Anfal inda Allah ya ce:-
{والذين كفروا بعضهم أولياء بعض}.
Ma’ana: ((Wadannan da suka kafirta sashinsu masoya ne ga sashi)).
12. Ayah ta 19 cikin suratul Jaathiyah inda Allah Ya ce:-
{وان الظالمين بعضهم أولياء بعض والله ولي المتقين}.
Ma’ana: ((Lalle Azzalumai sashinsu masoya ne ga sashi, Allah kuwa Masoyin Masu taqawa ne)).
****************************
Lalle in kun lura a nan za ku fahimci cewa lafuzan “Maula” da suka zo cikin wadannan nassoshi ma’anarsu tana daidai da ma’anar da ta zo cikin lafuzan “Waliy” da suka so cikin nassoshin, saboda haka abin da wadannan nassoshi ke tabbatar mana da shi, shi ne:-
– Allah Madaukakin Sarki Masoyin Muminai ne, su ma Muminai masoyan Allah ne.
-Annabi mai tsira da amincin Allah masoyin Muminai ne, su ma Muminai masoya Annabi ne.
– Aliyyu Dan Abi Taalib Allah Ya kara masa yarda masoyin Muminai ne, su ma Muminai masoyan shi ne.
– Muminai masoya ne ga yan’uwa su Muminai.
– Kafurai masoya ne ga yan’uwa su Kafurai.
****************************
YANA DAGA CIKIN MANYAN MUSHKILOLIN SHI’AH RAAFIDHA KUREN FAHIMTA:
Yana daga cikin manyan mushkilolin Shi’ah Raafidah kuren fahimta da son zuciya, wannan shi ya sa suka dauki ma’anar fadar Annabi mai tsira da amincin Allah: ((Man kuntu maulaahu fa Aliyyun maulaahu)) a matsayin Annabi mai tsira da amincin Allah ya ce: Sayyidina Ali shi ne khalifah bayan shi!! Saboda haka Khilaafar Sayyidina Abubakar haramtacciya ce, Khilaafar Sayyidina Umar haramtacciya ce, Khilaafar Sayyidina Uthmanu haramtacciya ce!!! Hakika wauta ta kai wauta cikin irin wannan fahimta.
Shi’ah Rafidah da masu tsayayyiyar fahimta ne da sun fahimci cewa: Da Khilaafah ne Annabi yake nufi da sai ya ce: ((Man kuntu maulaahu, fa Aliyyun maulaahu ba’ada mautii)). Watau duk wanda nake shugabantarsa na mulki da Addini yanzu to Aliyyu shi ne Khalifahna bayan mutuwata!! To amma Annabi bai fadi haka ba, abin da kawai ya fada shi ne: ((Man kuntu mulaahu fa Aliyyun maulaahu)) kowa kuwa ya san cewa Sayyidina Ali ba khalifah ba ne a lokacin da Annabi yake raye, saboda babu yadda za a yi a samu Khalifah sai dai idan shi Annabi mai tsira da amincin Allah ba ya Duniya tukuna.
Allah Ya shiryar da wadanda ke kan bidi’ah cikin wannan Al’ummah. Ameen.

[Audio]✅Lakca Mai Take *MAGANI MASU GARKUWA DA MUTANE (Kidnappers) – Sheikh Kabir Gombe!!!* ✅

✅⚫✅Lakca Mai Take *MAGANI MASU GARKUWA DA MUTANE (Kidnappers)!!!* ✅⚫✅
👇👇👇👇👇👇👇👇👇👇👇👇👇👇👇👇👇

TARE DA: *Sheikh Muhammad Kabiru Haruna Gombe.*
Da *Alaramma Muhammad Salisu U/Kanawa Kaduna.*

Malam ya gabatar da wannan lakcar a MASALLACIN: *Jumma’a Na Malali Low Cost Kaduna.* Ranan Laraba 14 ZulQidah, 1440 17 July, 2019 Dafatan Allah ya bamu ikon Aiki da Abinda Malam Ya Karantar.
Danna Wannan Link Din Domin Saukewa
👇👇👇👇👇👇👇👇👇👇👇👇👇👇👇👇

Download Now

➖➖➖➖➖➖➖➖➖➖➖➖➖➖➖➖
AYI SAURARO LAFIYA.

BA DUKKAN HADITHAI BA NE IMAM MALIK YA SANI, WANNAN KUMA BA AIBI BA NE:

BA DUKKAN HADITHAI BA NE IMAM MALIK YA SANI, WANNAN KUMA BA AIBI BA NE:

image

Dr. Ibrahim Jalo Jalingo

1. Ba dukkan hadithan Annabi mai tsira da amincin Allah ba ne Babban Malamin Hadithi da Fiqhu Imam Malik ya sani, a’a ya dai san mafi yawansu amma kuma bai san dukkansu ba, wannan kuma ita ce siffar dukkan wani malami cikin wannan Al’ummah tun daga zamanin Sahabbai har zuwa karshen Duniya.

2. Lalle a cikin hanyoyin da ‘yan bidi’ah ke bi domin neman raba mutane da bin sunnar Annabi mai tsira da amincin Allah a cikin mas’alolin Aqeedah, da Ibadah, da Mu’amalah akwai nuna musu cewa: Wannan hadithin Sahabi wane bai yi aiki da shi ba, ko Taabi’iy wane bai yi aiki da shi ba, ko Taabi’ut Taabi’iy wane bai yi aiki da shi ba, ko Imam Abu Hanifah bai yi aiki da shi ba, ko Imam Malik bai yi aiki da shi ba, ko Imamush Shaafi’iy bai yi aiki da shi ba, ko Imam Ahmad bai yi aiki da shi ba, ko Waliyyi Shehu wane bai yi aiki da shi ba, ko uban tafiya Malam wane bai yi aiki da shi ba; saboda haka lalle da yin aiki da shi wannan hadithin ya halatta to da kuwa ba a sami wani daga cikin irin wadannan manyan mutane da zai yi watsi da shi ya kuma ki yin aiki da shi ba!!

3. A nan ga shaidar cewa: a cikin almajiran Imam Malik ma akwai wanda ya san hadithin da shi Imam Malik bai sani ba, kuma wannan ba nakasa ba ce ga shi Imam Malik din, a’a abu ne da ke kara fito da irin mutuntakarsa:-
Baihaqiy ya ruwaito hadithi na 364 daga Ahmad Bin Abdirrahman Bin Wahb ya ce:-
((سمعت عمي يقول: سمعت مالكا يسال عن تخليل اصابع الرجلين في الوضوء فقال: ليس ذلك على الناس.  فتركته حتى خف الناس فقلت له: يا ابا عبد الله سمعتك تفتي في مسالة في تخليل اصابع الرجلين زعمت ان ليس ذلك على الناس؛ وعندنا في سنة. فقال: فقال: وما هي؟ فقلت: حدثنا الليث بن سعد، وابن لهيعة، وعمرو بن الحارث عن يزيد بن عمرو المعافري، عن ابي عبد الرحمن الحبلي عن المستورد بن شداد القرشي قال: رايت رسول الله صلى الله عليه وسلم يدلك بخنصره ما بين اصابع رجليه. فقال: ان هذا حديث حسن، وما سمعت به قط الا الساعة. ثم سمعته يسال بعد ذلك فامر بتخليل الاصابع)).
Ma’ana: ((Na ji baffana yana cewa: na ji Malik ana tambayar shi game da tsettsefe yatsun kafa cikin alwala, sai ya ce: ba wajibi ba ne a kan mutane. Sai na bar shi har mutane suka ragu, sannan na ce: Abu Abdillah, na ji ka kana ba da fatawa game da wata mas’alah, game da tsefe yatsun kafa, ka riya cewa hakan ba wajibi ba ne a kan mutane, lalle mu muna da sunnah. Sai ya ce: wace ce? Sai na ce: Laith Bin Sa’ad, da Ibnu Luhai’ah, da Amr Bin Haarith sun gaya mana daga Yazid Bin Amr Al-Ma’aafiriy, daga Abu Abdurrahman Al-Hubuliy, daga Mustaurid Bin Shaddad Al-Qurashiy ya ce: Na ga Manzon Allah mai tsira da amincin Allah yana goge tsakanin yatsun kafarsa da karamar yatsarsa”. Sai ya ce: Lalle wannan hadithi mai kyau ne, amma ban taba jin shi ba sai wannan lokacin. Daga bayan wannan sai na ji ana tambayar shi kuma yana ba da umurni da goge yatsu)).

4. Ga shi dai karara wannan mas’ala ce muhimmiya daga cikin mas’alolin da suka shafi alwala kuma wacce Annabi mai tsira da amincin Allah ya yi umurni da ita cikin ingantaccen hadithi amma kuma ga shi Imam Malik bai san hadithin ba, wannan ma shi ne ya sa ya yi fatawa da sabanin abin da Annabi ya yi umurni da shi, to amma alhamdu lillahi almajirinsa Abdullahi Bin Whab ya koyi hadithin daga waninsa, da kuma ya gaya masa nan da nan ya bar ra’ayinsa da ijtihadinsa ya koma a kan abin da Annabi ya yi umurni da shi. Madalla da wannan hali na Imam Malik, saboda wannan abin da ya yin shi ne dukkan ahlussunnah na gaskiya ke yi, babu wadanda ke taka ingantattun hadithan Annabi mai tsira da amincin Allah su bi ra’ayoyinsu ko ra’ayoyin malamansu sai ‘yan bidi’ah wadanda ba sa ganin kimar hadithan manzon Allah mai tsira da amincin Allah.
Allah Ya taimake mu har kullum. Ameen.

Sheikh Bala Lau ya ziyarci birnin Maiduguri ta’aziyyar Ali Mustapha

Sheikh Bala Lau ya ziyarci birnin Maiduguri ta’aziyyar Ali Mustapha

image

Daga Alaji Engr Ibrahim Isma’il

image

A safiyar Juma’ar Data Gabata  Shugaban IZALA Sheikh Dr. Abdullahi Bala Lau ya ziyarci garin Maiduguri domin isar da ta’aziyyar Sakataren Majalisar Malamai na kasa, Marigayi Sheikh Dr. Ali Mustapha Maiduguri wanda ya rasu a makon jiya.
Sheikh Bala Lau ya mika ta’aziyya ga yan uwa da iyalai, da Al’ummar jahar Borno dama Nigeria bisa rasuwar Shehin Malamin, Shugaba Bala Lau ya bayyana Sheikh Ali Mustapha a matsayin nagartaccen Malami, Mai Tsoron Allah sannan gashi kuma kogin ilimi ga kuma sarrafa yaren larabci cikin kwarewa wajen karantar da dalibai. Sirrin samun wannan shine kira da aji tsoron Allah da kuma kokarin yin aiki domin Allah. Tabbas Marigayin haka yake yi wajen mu’amalarsa.
Sheikh Lau ya bayyana hakan a lokacin da yake gabatar da Khudubar sallar juma’a wanda ya jagoranta a Masallacin da Marigayin yake limanci a lokacin rayuwar Sa dake 777 a birnin Maiduguri fadar jihar Borno.
Khudubar wacce ta ja hankalin Al’umma ta tsoratar game da mutuwa tare da yin kira da a bi Allah da Manzon sa sau da kafa. Daga karshe yayi addu’a ga mamacin da kuma neman Allah ya kara mana zaman lafiya a jahar Borno dama Nigeria baki daya.
Sheikh Lau ya taso ne takanas ta kano daga Adamawa zuwa Abuja zuwa Maiduguri domin ta’aziyya da jajantawa Al’ummar Borno dama kasar Naijeriya baki daya a Madadin Kungiyar Jama’atu Izalatil Bid’a Wa Ikamatis Sunnah.
Bayan kammala Khudubar Shugaban ya wuce gidan Mamacin inda ya jajantawa Iyalan sa da sauran yan uwansa.
Sheikh Dr. Ibrahim R/Lemo tare da Daraktan Agaji na kasa Eng. Mustapha Imam Sitti na daga cikin yan tawagar da suka rufawa shugaba baya zuwa maidugurin.
Muna addu’ar Allah ya jikan Sheikh Dr Ali Mustapha Maiduguri da rahama ya kyautata makoncin sa, Amin

image

image

image

image

TARIHIN MARIGAYI SHEIKH Dr. ALI MUSTAPHA MAIDUGURI.

image

An haifi Sheikh Dr. Ali Mustapha a anguwar Fezzan dake Maiduguri a shekarar 1968. Mahaifin shi (Alhaji Shettima Bukar Mustapha Konduga) dan asalin Kwanduga L. G. A ne, mahaifiyar shi (Hajiya Yakaka Bukar) ‘yar asalin garin Dikwa LGA ce.
Shi dai Dr. Ya fara karatun shi na farko a wurin mahaifin shi inda yafara da karatun Tahiya, Sallah da Al-qunutu. Daga bisami yashiga makarantar Allo (tsangaya) a wajen wani malami mai suna ‘Mallam Awa’ a nan Fezzan a shekarar 1972, yayi karatu har zuwa lokacin da malamin nashi ya samu larurar tabin kwakwalwa sakamakon hatsarin mota. Hakan yasa mahaifin shi yasa shi a makarantar Islamiya mai suna ‘Madarasatul Nurul Atfan’ wadda a yanzu aka canja mata suna ‘Usman Islamiya School’ a shekarar 1975.
Bayan ya kammala Aji biyar (class 5) a wancan lokacin, sai Mallam ya garzaya zuwa High Islamic Collage Maiduguri a shekarar 1982, inda yayi shekaru hudu (4) a matakin secondary, daganan yaci gaba da karatun Diploma a Fannin Hausa, Larabci da Shari’a a wannan makarantar. Bayan ya gama a shekarar 1990, sai aka musu jarabawar daukan malamai inda yasamu nasarar zama malami a nan ‘High Islamic college a mataki na grade ll teacher.
Malam ya kwashe shekaru bakwai (7) yana karantarwa, daganan yasamu cigaba zuwa Jami’ar Musulunci ta Madina a shekarar 1997, sakamakon jinya da yayi wadda tayi sanadiyyar jinkirin zuwa, hakan yasa hukumar Makarantar ta ajiyeshi a Matakin ‘Shu’ubah’ (remedial) inda yayi shekara daya daganan yasoma karatun shi a fannin ‘Shari’a law’ da harshen larabci anan ma malam yayi shekaru hudu (4). Kammalawar shi keda wuya, sai malam yanemi damar cigaba da karatun shi na ‘Masters degree’ a Fannin Uslul Fiqihi. A jarabawar da suka rubuta, malam ne yazo na daya a cikin daliban da suka zo daga Nigeria a shekarar 2002, amma bai samu damar fara karatu a wannan shekarar ba sabo da mutum biyu (2) kacal aka dauka a cikin mutane 27 da sukaci jarabawar daga kasashe daban – daban.
Daganan malam yadawo gida Nigeria inda yafara karatun National Diploma a makarantar El kanemi Collage dake Maiduguri a fannain ‘Shari’a’ a shekarar 2003. A shekarar 2004 kuma, malam ya garzaya Jami’ar JOS inda yayi karatun shi na Masters a fannin larabci, kuma yayi nasarar kammalawa a shekarar 2006. A shekarar 2015, malam ya fara PhD a fannin larabci a Jami’ar Jahar Nasarawa (Nasarawa State University) inda ya kammala a shekarar 2017.
SASHIN AIYUKA.
* Malam ya taba zama grade ll teacher a shekarar 1990 – 1997
* Limancin Sallolin Juma’a da na Idi na tsawon shekaru 25
* Malam yayi aiki a matsayin Director Shari’a, a ministry of religions affairs Borno State. 2005 har zuwa rasuwarsa
* A mataki na kungiya kuma, Malam shine shugaban Majalisar Malamai na farko a mataki na MMC, sannan shugaban majalisar malamai na jahar Borno. Saboda himmar sa kan lamarin addini, Sheikh Ali Mustafa an zabe shi member na majalisar koli ta kasa shekaru da dama kafin Sheikh Dr. Abdullahi Bala Lau ya nadashi matsayin babban Sakataren Majalisar Malamai na kungiyar ta kasa bayan rasuwar Sheikh Dr. Al Hassan Sa’id Jos.
Sheikh Ali Mustafa ya bar mata daya da ‘ya’ya 15 a Duniya.
Sheikh Ali Mustafa mutum ne da aka sanshi da cika alkawari, kyautatawa, da rikon amana.
Muna fata Allah ya jikan sa da rahama kuma jannatul fir-dausi ya zama Shine makomarsa.
Jibwis Borno State,
23/05/2019

HOTUNA: Helkwata Da Masallaci Na Zamani Da Kungiyar Izala ke ginawa a abuja

Hotuna: Hotunan Sabon Masallacin da kungiyar IZALA take ginawa na zamani a babban helkwatar kungiyar dake unguwar Utako a birinin tarayya Abuja. An samu kudin aikin ne daga wajen ‘yan uwa musulmi da suka bada sadakar fatun layya ga kungiyar a bara kadai.
Allah ya sakawa shugaban IZALA Sheikh Dr. Abdullahi Bala Lau da ‘yan majalisar sa da alkhairi.
Jibwis Nigeria

image

image

image

image

image

image

image

image

%d bloggers like this: